جمــــ الروح ــــال
13-04-2003, 11:43 PM
في الماسنجر
اولاالرسمية :->
وكل كلامها احترم نفسك قول لي كيف الحال لاتسألني عن اخباري هذي حياتي الخاصه انت مالك شغل ... يعني بتعطيك محاضره عنوانها ( لاتقول كيف اخبارج ) .. و بترشك بلوك ( حظر ) ومن زود الرسمية اللي فيها بعض الاحيان إذا قلتلها اهلين قالت انا مب اصغر عيالك قول لي هلا وبس اهلين مانعرفها وفيها شبهه ... ( شو الشبهه يرحم امج تبين نقولج اهلين يااختاه).
ثانيا المصلحجيه :->
هذي ما تسلم عليك الا فالشهر مره (وايد فالشهر مره ) ... أو بالاصح اذا عندها موضوع كاتبتنه في المنتدى وتباك ترد عليه او تصلحلها الجهاز ... بتيك وتقول فلان حبيبي .. اقولها هلا والله عاش من شافج وين الناااس من زمان ما شفناج .... بتقول والله اختبارات وغثا خلها على ربك ياحياتي !!! ياحياتي وين اصرفها لو قالتها ذيج الرسمية ...(يمدحون بنج المصلحجيه بس ) ... عاد انا متعود على هالحركات اعطيهاا في ويها اقولها ... اها خلصيني شو عندج شو تبين؟ ..... مايمديني اقول لها هالكلمة الا صاكه اللنك في ويهي .... واللي احلى من هذا .. تقول تصدق اني كاتبه الموضوع فيك ( ياروحي صرت ريكي مارتن ... مير انا أحلى منه ... تقاطيع ويهي انزين ... قول هي بس ) ... والزبده كلها رد على موضوعي وبس
ثالثا الهبله :->
اتيك وحده فاقده ... حاطه عقلها في شنطة الجامعة ويايتنك .... وهذي لو اشرح لك ماوفيك حقها تخلي لك الماسنجر ولا مسرحيه " شاهد ماشفش حاجه "
رابعا العاقله :->
من زود ركادة العقل فيها إذا ضحكت تضحك جذه ههههههههه. تحط نقطه في آخر ضحكتها ( يعني مجرد موقف ضحكت عليه لاتظن اني مستانسه على سوالفك ) .... وإذا قالت شكرا مو مثلنا نقول شكرن لا هي تحط التنوين الطامره فوق الحرف مثل كذا (شكراً)...
خامسا الدفشه :->
هالنوع يابو الشباب.. ماتدخل في الشهر الا مره ... وكل سوالفها واشحال امك عساها طيبه .. وتسولف معاك وبرايفتها الثاني مع ستيف وضربته .... (ما ادري شو تبا من الدنيا ) ... تستهبل وتلعب بمشاعر واحاسيس الشباب واخر شي انا كنت امزح وربي امزح ( مب هين تعرف مشاعر ومساحيت مدري احاسيس)
مشغول ، Bussy -
.... اعرف انها يالسه اطلع القمل من شعرها ، ولا انها تضارب مع اختها من اللي يدخل بأيميله ....
سأعود حالا ، BRB -
يالسه تاكل بس مستحيه تقول ... ولا اكيد انها راحت ( ؟؟؟؟؟؟ )
بالخارج، Out Side -
... اكيييد انها تقصقص اضافرها ( حوافرها ) ، ولا امها وراها تدهن شعرها بزيت زيتون ولا دابر ... وحده منهم اذا ماشميت الريحه زين ....
على الهاتف ، On Phone -
... يعني لاتفكر ترقمني تراني اكلم خويي ... ( والله التفسير واضح)....
بالخارج للغذاء ، Out To Lunch -
.... تعرف انها يالسه تغير ملابسها وتباك تستحي على ويهك وماتكلمها .. لانك اذا كلمتها بتقول اكيد هذا فقران وضاربنه اليوع فالواحد بيستحي ويسكت ( يالبنات اذا انتم مشغولين حطو بالخارج للغذاء تري اهي احسن من مشغول ... تراي اعرف العيال يستحون إذا شافوكم تاكلون)...
واسمحولي بناااااااات ... كلها سوااالف:D:D:D:D
اولاالرسمية :->
وكل كلامها احترم نفسك قول لي كيف الحال لاتسألني عن اخباري هذي حياتي الخاصه انت مالك شغل ... يعني بتعطيك محاضره عنوانها ( لاتقول كيف اخبارج ) .. و بترشك بلوك ( حظر ) ومن زود الرسمية اللي فيها بعض الاحيان إذا قلتلها اهلين قالت انا مب اصغر عيالك قول لي هلا وبس اهلين مانعرفها وفيها شبهه ... ( شو الشبهه يرحم امج تبين نقولج اهلين يااختاه).
ثانيا المصلحجيه :->
هذي ما تسلم عليك الا فالشهر مره (وايد فالشهر مره ) ... أو بالاصح اذا عندها موضوع كاتبتنه في المنتدى وتباك ترد عليه او تصلحلها الجهاز ... بتيك وتقول فلان حبيبي .. اقولها هلا والله عاش من شافج وين الناااس من زمان ما شفناج .... بتقول والله اختبارات وغثا خلها على ربك ياحياتي !!! ياحياتي وين اصرفها لو قالتها ذيج الرسمية ...(يمدحون بنج المصلحجيه بس ) ... عاد انا متعود على هالحركات اعطيهاا في ويها اقولها ... اها خلصيني شو عندج شو تبين؟ ..... مايمديني اقول لها هالكلمة الا صاكه اللنك في ويهي .... واللي احلى من هذا .. تقول تصدق اني كاتبه الموضوع فيك ( ياروحي صرت ريكي مارتن ... مير انا أحلى منه ... تقاطيع ويهي انزين ... قول هي بس ) ... والزبده كلها رد على موضوعي وبس
ثالثا الهبله :->
اتيك وحده فاقده ... حاطه عقلها في شنطة الجامعة ويايتنك .... وهذي لو اشرح لك ماوفيك حقها تخلي لك الماسنجر ولا مسرحيه " شاهد ماشفش حاجه "
رابعا العاقله :->
من زود ركادة العقل فيها إذا ضحكت تضحك جذه ههههههههه. تحط نقطه في آخر ضحكتها ( يعني مجرد موقف ضحكت عليه لاتظن اني مستانسه على سوالفك ) .... وإذا قالت شكرا مو مثلنا نقول شكرن لا هي تحط التنوين الطامره فوق الحرف مثل كذا (شكراً)...
خامسا الدفشه :->
هالنوع يابو الشباب.. ماتدخل في الشهر الا مره ... وكل سوالفها واشحال امك عساها طيبه .. وتسولف معاك وبرايفتها الثاني مع ستيف وضربته .... (ما ادري شو تبا من الدنيا ) ... تستهبل وتلعب بمشاعر واحاسيس الشباب واخر شي انا كنت امزح وربي امزح ( مب هين تعرف مشاعر ومساحيت مدري احاسيس)
مشغول ، Bussy -
.... اعرف انها يالسه اطلع القمل من شعرها ، ولا انها تضارب مع اختها من اللي يدخل بأيميله ....
سأعود حالا ، BRB -
يالسه تاكل بس مستحيه تقول ... ولا اكيد انها راحت ( ؟؟؟؟؟؟ )
بالخارج، Out Side -
... اكيييد انها تقصقص اضافرها ( حوافرها ) ، ولا امها وراها تدهن شعرها بزيت زيتون ولا دابر ... وحده منهم اذا ماشميت الريحه زين ....
على الهاتف ، On Phone -
... يعني لاتفكر ترقمني تراني اكلم خويي ... ( والله التفسير واضح)....
بالخارج للغذاء ، Out To Lunch -
.... تعرف انها يالسه تغير ملابسها وتباك تستحي على ويهك وماتكلمها .. لانك اذا كلمتها بتقول اكيد هذا فقران وضاربنه اليوع فالواحد بيستحي ويسكت ( يالبنات اذا انتم مشغولين حطو بالخارج للغذاء تري اهي احسن من مشغول ... تراي اعرف العيال يستحون إذا شافوكم تاكلون)...
واسمحولي بناااااااات ... كلها سوااالف:D:D:D:D